BB 2歲幾先戒片，一出世就由朝至晚長時間包著尿片，屁股皮膚受到嘅刺激係其他部位嘅好幾倍，所以好易出尿布疹；而腰位同尿片邊位亦會因為長期受到尿片/學習褲嘅磨擦，又紅又痕。
購買嬰兒濕疹及尿疹護理產品︰精選推薦
媽媽記住換片時清潔同護膚措施都要做足，唔好等BB屁股紅卜卜或出疹先去護理啊！
點解BB會出尿布疹？
BB屁股皮膚非常幼嫩脆弱，而且成日同濕氣、便便、尿液接觸，以及同尿片磨擦後受到刺激，變得紅卜卜，甚至在屁股皮膚出現紅腫、發炎等症狀，引致尿布疹。
BB尿布疹高發期？
BB 6個月大後，開始進食流質食物、加固，排泄物唔再只有奶嘅成分，排便次數增加，屁股受更加多刺激，所以BB一般喺7個月至1歲時特別容易患上尿布疹。
患上尿布疹會有咩症狀？
尿布疹係嬰幼兒常見嘅皮膚炎症，尿片覆蓋嘅部位會出現紅疹，嚴重者可能出現紅腫嘅膿瘡，或蔓延至大腿位置，甚至令皮膚潰瘍。如果BB屁股有唔舒服，一般會不停搖動，甚至無胃口，媽媽就要多加注意喇~
【點對付尿布疹？】
勤換尿片
尿布疹主要成因係BB皮膚長時間畀尿片內嘅排泄物刺激及磨擦，只要保持BB屁股潔淨、乾爽，就可以防患於未然。最簡單當然係勤換尿片，BB每次小便或大便後應要馬上處理，初生BB一日約需要更換7至8次片，以減少排泄物細菌與BB皮膚接觸。
清潔屁股時要仔細抹皺摺位
每次BB排便後，要仔細、溫和咁清潔屁股，千萬唔好大力擦拭。每抹一下屁股都要換一塊新嘅濕紙巾，抹嘅時候要仔細抹下體皺摺位、大腿罅位。
保持屁股乾爽
清潔後，換新尿片前要徹底印乾皮膚，以免留有濕氣，同盡可能畀BB皮膚喺空氣中吹乾、透透氣，待皮膚乾爽後再搽換片膏。但留意切勿使用傳統爽身粉，因粉末同尿液或汗水混合後會阻塞毛孔，令尿布疹惡化。
選用蘊含氧化鋅嘅換片膏
清潔屁股後薄薄搽一層換片膏，可以阻隔污垢、防止尿片摩擦而產生嘅敏感，加強保護同滋潤肌膚。建議選擇成份天然，不含香料色素、容易推開塗抹嘅換片膏，以免引起BB幼嫩脆弱嘅皮膚敏感，而含有氧化鋅成份嘅換片膏，醫學證明可舒緩皮膚紅癢，有效預防同舒緩尿布疹引致嘅過敏不適。
購買嬰兒濕疹及尿疹護理產品︰精選推薦
